Советскинчи пĕтĕмĕшле пĕлÿ паракан  вăтам шкулта чăваш чĕлхипе литература  эрни малалла пырать. Ака уйăхĕн 20-мĕшĕнче чăваш чĕлхи урокĕнче 5-мĕш класс ачисем хушшинче «Эпир маттур ачасем!» выляв иртрĕ. Пиллӗкмĕшсем темăна  тата балсен  хисепне хăйсем суйласа илсе ыйтусем çине хуравларĕç. Вăйăра çакăн пек темăсем пулчĕç: «Тупмалли юмах», «Шÿтлĕ ыйту», «Чăваш чĕлхи», «Литература», «Кулăш,ĕçре пулăш». Арçын ачасен ушкăнӗ чи нумай балл пуçтарса мала тухрĕ.  Вылякансем çĕнтерÿ патне çитме пĕлÿ анчах мар, ăнăçу та кирлĕ пулнине ăнланчĕç.