Ака уйăхĕн 21-мĕшĕнче, 6-мĕш класра ачасене çăкăра хаклама, ăна типтерлĕ тытма, унăн хакне ăнланма вĕрентес тĕллевпе «Çăкăр—халăх пуянлăхĕ» темăпа урок-калаçу иртрĕ.

   Çăкăр авалтан халăхра пысăк хисепре пулнă. «Умăнтан çăкăр ан татăлтăр»,--тенĕ çынсем пĕр-пĕрне ыр сунса.Паян кун та эпир пысăк хăнасене çăкăр-тăварпа кĕтсе илетпĕр.

   Урок вăхăтĕнче ачасем çăкăр пĕлтерĕшĕ, вăл сĕтел çине лекиччен мĕнле профессиллĕ çынсем патĕнче пулни пирки калаçрĕç. Çăкăр çинчен çырнă чăваш çыравçисен хайлавĕсене вуларĕç: Ева Лисина «Çăкăр чĕлли»,Алексей Воробьев «Çăкăр», «Çурхи хирте» тата çăкăр çинчен калакан ваттисен сăмахĕсен иккĕмĕш пайĕсене тупса çырса хучĕç.

   Урока çакăн пек пĕтĕмлетрĕç: «Çăмăл мар иккен çăкăра сĕтел çине çитерме. Çăкăра ялан тирпейлĕ тытăр, вăл- пирĕн пуянлăх, пирĕн пурнăç, пирĕн сывлăх. Çăкăр—пирĕн вăй».