Ака уйăхĕн 19 - мĕшĕнче Советскинчи пĕтĕмĕшле пĕлÿ паракан  вăтам шкулта И.Я.Яковлев çуралнăранпа 169  çул çитнине халалласа чăваш чĕлхипе литература эрни пуçланчĕ. Çак кун 7- мĕш класра вĕренекен Кириллова Таньăпа  Афаринов Кирилл Етĕрне район администрацийĕн вĕренÿ пайĕ район шайĕнче ирттерекен интернет-олимпиадăна хутшăнчĕç. Ăна Етĕрне районĕ 90 çул тултарнине  тата Чăваш чĕлхи кунне халалланă. Ыйтǎвĕсем эпир пурăнакан района  республикăра, хамăр çĕршывра тата пĕтĕм тĕнчипех чапа кăларнă ентешсем çинчен пулчĕç. Олимпиадăна хутшăнакансем хăйсен тавракурăмне татах та пуянлатрĕç.